Лунтик дусларын җыйды

Тарсус паркында «Мәдәни үзәк» иҗат коллективы «Шәһәрнең мәдәни мохите» проектын тормышка ашыру кысаларында балаларга чын дуслыкка багышланган «Лунтик һәм аның дуслары» дип аталган интерактив әкият тәкъдим итте. Мультфильм персонажлары яшь азнакайлыларны дус булырга, бердәмлеккә өндәде, кечкенәдән хезмәт сөючән булып үсүнең алдагы тормышта зур этәргеч булуы хакында да аңлатырга онытмадылар. Балачак бәйрәме дуслык турында җырлар белән тәмамланды.