Азнакайның Яшьләр бакчасында балалар җитезлектә һәм тизлектә көч сынашты
Азнакайның Яшьләр бакчасында Мәдәни үзәк белгечләре балалар өчен күңелле спорт уеннары үткәрде.
"Саф һавада үткәргән хәрәкәтле уеннар балаларның хәрәкәт активлыгын үстерү, җитез, өлгер булу сәләтен камилләштерү, сәламәтлекләрен ныгыту,балалар арасындагы дустанә мөнәсәбәтләрне ныгытырга ярдәм итә," - дип сөйли Мәдәни үзәк директоры Гүзәл Николаева.
Чара бик мавыктыргыч булды, балалар танылган спорт төрләрен, яраткан спорт уеннарын искә төшерделәр. Алар командаларга бүленеп, эстафеталарда катнаштылар, җитезлектә һәм тизлектә көч сынаштылар.
Язгы ачык һавада хәрәкәтчән уеннар гаять зур шатлык китерә һәм сәламәтлеккә бәяләп бетергесез файда бирә.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев