Азнакай мәгариф идарәсе хатын-кызлар советында күп балалы әниләр белән очраштылар (ФОТО)

Идарә аппаратында өчәр бала тәрбияләүче 9 әни эшли. Түгәрәк өстәл артында алар үз гаиләләре белән таныштырып уздылар.

Мәгариф идарәсе начальнигы Альберт Рахманов аларны сәламләп, эшләрендә уңышлар, гаиләләрендә иминлек теләде.

Хатын-кызлар советы рәисе Гөлназ Шәмсиева, иҗтимагый совет рәисе, мәгариф идарәсе начальнигы урынбасары Лилия Әхмәдишина, психолог Миләүшә Зарифуллина, профсоюз комитеты рәисе Ләйсән Хаҗипова үз юнәлешләре буенча әниләргә киңәшләрен бирделәр, коллективта хатын-кызларга уңай шартлар тудыру буенча фикер-тәкъдимнәрен белдерделәр.

Сөйләшү чәй өстәле артында бик җылы узды.