Азнакай шәһәре укытучысы Казанда бүләкләнде

Чарада мәгариф идарәләре җитәкчеләре, укытучылар, методистлар һәм югары уку йортлары вәкилләре катнашты.

Фикер алышуның төп темасы – педагогларга ярдәм чаралары, белем бирү учреждениеләрендә технологик проектларны гамәлгә  ашыруга юнәлтелгән мәсьәләләрне хәл итү иде.

Укытучылар өчен яңа ярдәм чаралары игълан ителде: яшь белгечләргә айлык өстәмәләр, торак арендасын компенсацияләү, грантлар.

Коллегиядә “Физика-математика алгарышы”, “ФизХим алгарышы” проектларына аерым тукталдылар. Укучыларның төгәл фәннәргә кызыксынуын арттыруга юнәлтелгән әлеге проектларда азнакайлылар да актив катнашып, җиңүләр яулыйлар.

Чарада иң яхшы педагоглар да бүләкләнде. Алар арасында Азнакайның 3 нче мәктәбе укытучысы Гөлназ Шутраева да бар.

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!