Азнакай мөгаллиме «Ел укытучысы – 2025» бәйгесендә өченче урынны яулады

Әлеге дәрәҗәле бәйгедә шәһәребезнең 2 нче мәктәбе татар теле һәм әдәбияты укытучысы Светлана Алтынбаева өченче урынга лаек булды.

«Бәйге барышында без башка катнашучыларның да дәресләрен, мастер-классларын карадык. Яшьләр бик көчле, креативлар, шуңа чын күңелемнән шатланып, алар белән горурланып утырдым. Урын алуга килгәндә, күңелдә ниндидер өмет чаткысы булса да, көтелмәгән булды ул, шулай да бик сөендем. Бу үзенә күрә 30 еллык педагогик юлыма бер бәя дә бит», – ди укытучы.

Азнакайлылар «Ел тәрбиячесе – 2025» республика һөнәри осталык бәйгесендә дә югары нәтиҗәләргә ирештеләр. Анда шәһәребезнең 8 нче «Гнездышко» балалар бакчасы тәрбиячесе Гүзәлия Исмәгыйлова лауреат булып танылды.