КФУ студентлары Чатыр-Тауда уку-кыр практикасын үтәчәкләр
Район башкарма комитеты җитәкчесе Айдар Шәмсетдинов белән КФУ студентлары – экология өлкәсендә булачак белгечләр очраштылар.
Студентлар Азнакайга 2018 елдан бирле Чатыр-Тау тыюлыгы территориясендә КФУның табигать төзелеше һәм судан файдалану кафедрасы өлкән укытучысы Наил Назаров җитәкчелегендә оештырыла торган уку-кыр практикасын узу өчен киләләр.
Айдар Шәмсетдинов аларны сәламләп, күңелле ял һәм уңышлы эшләр теләде, шулай ук куркынычсызлык чараларын үтәү кирәклеген искәртте.
- Чатыр-Тау тыюлыгы Азнакай районының мәһабәт тавы. Кызганычка каршы, быел корылык, шулай ук ефәк күбәләге һөҗүме аркасында. Чатыр-Тау үзенең иң яхшы кыяфәтендә күренмәс, шулай да, бу шартлар сезнең өйрәнү темасын тагын да кызыклы һәм мавыктыргыч итәр, - диде ул.
Практика барышында студентлар Чатыр-Тау тыюлыгы һәм аның тирәсендәге флора һәм фаунаны өйрәнәчәкләр.Шулай ук алар экологик проблемаларга игътибар итәчәкләр. Киләчәктә алар җыйган мәгълүматлар төзекләндерү, яшелләндерү һәм башка экологик-технологик карарлар кабул итү буенча киңәшләрнең нигезе булыр.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев