Транспорт юл чистартуга комачаулый

Хөрмәтле шәһәрлеләр! Төзекләндерү, чисталык һәм тәртип саклау кагыйдәләре нигезендә, Азнакайда предприятиеләр тарафыннан гомумшәһәр биләмәсендәге магистраль урамнарга кышкы чистарту уздырыла.

Юлда калдырылган шәхси транспорт эш башкаруда авырлыклар тудыра. Бу бүгенге көндә иң борчулы проблемаларның берсе булып тора. Автотранспорт хуҗаларының әлеге мәсьәләгә җаваплы карауларын, машиналарын транспорт юлында калдырмауларын сорыйбыз. Әлеге кагыйдәләр үтәлмәгән очракта, автотранспорт чаралары Азнакай ЮХИДИ көче белән штраф тукталышларга урнаштырылачак.

Шәһәр башкарма комитеты