Әгерҗедә – көзге могҗиза
Иген-кырларда, бакчаларда уңышны җыеп алгач, бердәмлектә яшәгән Әгерҗе авылы халкы көзге бәйрәмнәрне башлап җибәрде.
Өлкәннәр көне, Әбиләр чуагы бик күңелле үтеп, әле дә хәтерләрдә яңарып ала. Бу араларда авылдашлар янә берсенә – “Могҗизалар кыры” шоу-тамашага җыелды.
Китапханәче Дәрия Кәримова, мәдәният йорты директоры Гөлнара Габдрәкыйпова әзерләгән берсеннән-берсе кызыклы башваткычларны чишеп, өлкәннәр, яшьләр, үсмерләр зирәклек-зиһенлектә көч сынашты.
“Могҗизалар кыры” рекламага да, җыр-биюләргә дә бай булды. Авылда бер генә бәйрәм дә чәй табынсыз узмый. Уңган хуҗабикәләр Дәрия, Әнфисә, Әлфия ханымнарның коймак-пироглары белән барысы бергә тәмләп чәй эчте.
Өч тур җиңүчеләренә супер-уен финалисты Маргарита ханымга биләмә башлыгы Назыйф Хәсәновның призлары тапшырылды.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев