Азнакайның мохтаҗ сабыйларына депутат ярдәме

Кичә “Бердәм Россия”нең иҗтимагый кабул итүендә ТР Дәүләт Советы депутаты Рөстәм Мөхәммәдиев азнакайлыларның гозерләрен тыңлады. Депутат ярдәменә өметләнеп килүчеләрнең күбесе физик мөмкинлекләре чикләнгән балалар тәрбияләгән, аз керемле, мохтаҗлык кичергән әти-әниләр иде. Әйтик, кемгәдер сабыена катлаулы операция ясатуда, берәүләргә тернәкләнү үтәргә, икенчеләренә укуын дәвам итүдә матдия ярдәм кирәк. Арада янгында каза күргән гаиләләр дә бар иде. Депутат аларның барсының да хәл торышын, мохтаҗлык дәрәҗәсен өйрәнеп, булдыра алганча булышлык итәчәген белдерде.