Азнакай депутатлары киләсе ел бюджетын тикшерделәр

(Азнакай, 9 ноябрь, "Маяк", Резеда Шәрипова) Бүген Азнакай районы һәм шәһәре Советларының чираттагы утырышы узды.

Аны район һәм шәһәр Советлары рәисе, муниципаль район башлыгы Марсель Шәйдуллин алып барды.

Район башкарма комитеты җитәкчесе Айдар Шәмсетдинов 2018 елга һәм 2019-2020 еллардагы планлы чорга районның социаль-иктисади үсеше буенча фаразланган төп күрсәткечләр белән таныштырды.

Депутатлар беренче укылышта 2018 һәм 2019-2020 елларга район һәм шәһәр бюджетлары турында мәсьәләне карадылар.

Утырышта район һәм шәһәр Советларының кайбер карарларына һәм положениеләренә үзгәрешләр кертү турында мәсьәләләр дә тикшерелде.