8 Март – Халыкара хатынкызлар көне

Безнең кадерле, ягымлы хатын-кызларыбыз! Сезне язның иң якты бәйрәмнәренең берсе – 8 март – Халыкара хатын-кызлар көне белән тәбрик итәм.

Хатын-кыз табигатьнең бар назын, яктысын, җылысын йөрәгенә туплаган, ул мәхәббәт, яшәү чыганагы булып тора. Сез бөек җиңүләргә рухландыручы да, гаилә учагын саклаучы да, тормышыбызны гөлгә-ямьгә төрүче дә. Нәфис җилкәләрегездә җәмгыятебезнең сәяси һәм сәнәгать йөген да тартып барасыз.

Әниләребез, әбиләребез, апаларыбыз, сеңелләребез буларак, без сезне яратабыз һәм хөрмәт итәбез. Сез сабыр да, түзем дә, авырлыклар алдында югалып калмыйсыз, районыбыз, республикабыз үсешенә үзегездән лаеклы өлеш кертәсез.

Киләчәк көннәрегез язлар кебек матур, кояшлы булсын. Сезгә ныклы сәламәтлек, гаиләләрегездә иминлек, эшләрегездә уңышлар, якыннарыгызның җан җылысын тоеп, сөю-назларга күмелеп яшәвегезне телим.

Марсель ШӘЙДУЛЛИН, Азнакай муниципаль районы башлыгы