Монолитта яшәүче балалар велосипедта узыштылар

Монолит микрорайонында яшәүче балалар көзге матур көннәрне заяга уздырмый, ял көннәрендә алар велосипедларын иярләп, 4 нче территориаль иҗтимагый үзидарә рәисе Нурия Хаҗипова оештырган спорт чарасында катнаштылар. Аларга әти-әниләр дә бик теләп кушылдылар. Иң бәләкәй велосипедчыга биш яшьтә юк иде, олыраклардан ул бер дә калышмады.

Спорт чарасы балалар мәйданчыгында “Карбыз бәйрәме” белән төгәлләнде.

– Җәй буе балалар мәйданчыгыннан кеше өзелмәде, бездә сәламәт тормыш рәвеше алып баручылар бик күп. Бүгенге спорт бәйрәме дә моның дәлиле, – ди ТОС рәисе Нурия Хаҗипова.

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!