Азнакай районында авыл яшьләренең кышкы спартакиадасы бара

Анда 26 авыл җирлеге һәм Актүбә бистәсеннән командалар спортның 14 төре буенча көч сынаша.

Торак-коммуналь хуҗалыгының атказанган хезмәткәре Расих Шәкүров истәлегенә уздырылучы XIII спартакиаданы муниципаль район башлыгы Марсель Шәйдуллин ачып, ярышларда катнашучыларга уңышлар теләде һәм иң активларга бүләкләр тапшырды.

Бадминтон һәм чаңгы ярышлары нәтиҗәләре инде билгеле, калган спорт төрләре буенча финал уеннары бүген Тымытык авылында үтәчәк. Җиңүче командалар акчалата сертификат белән бүләкләнә.