Азнакай егете Равил Галиев җитәкчелегендә Чаллыда музыкаль театр оешты

(Азнакай, "Маяк") Якташыбыз - Татарстанның атказанган артисты Равил Галиев җитәкчелегендә Чаллыда музыкаль театр оешты.

Бу хакта Интертат хәбәр итә. Чаллыда "Алай да була икән" дип исемләнгән музыкаль комедиянең премьерасы тәкъдим ителгән инде. Равил Галиев театрны ике-өч ай элек "Эврика" мәдәният үзәге каршында драматург, шагыйрә, язучы Зөләйха Минһаҗева тәкъдиме белән, үз көчләре ярдәмендә оештырылуын әйтә.

"Бу - моңсу комедия. Мин бай кешенең машина йөртүчесе ролен уйныйм. Бер ир-атның ике хатын белән яшәвенә күнегелгән, ә монда бер хатын ике ир-ат белән яши. Яши генә түгел, инде яшәп картайганнар. Барысы да тормыштан алынган, булган хәлгә нигезләнгән", - ди җырчы. Музыкаль театр артистлары "Алай да була икән" спектаклен тирә-як авылларда күрсәтергә җыена.