Азнакайлылар алма спасын бәйрәм иттеләр
Алма спасы - җәй фасылының иң матур бәйрәмнәренең берсе.
Азнакай районында яшәүчеләрне һәм кунакларны рус халкының гореф-гадәтләренә җәлеп итү максатыннан, 17 августта Мәдәни үзәк иҗат коллективы территориаль иҗтимагый идарәләр белән берлектә Тарсус паркында «Алма спасы» бәйрәмен үткәрде.
"Август ае – мул ай. Халыкта бу чор көзге уңышны җыю, кышка әзерлек вакыты дип санала. Шуңа күрә, Алма спасы-ул бәйрәм генә түгел, ә күп кешеләр өчен мөһим вакыйга да», – ди бәйрәмнең даими кунагы, шәһәрнең 4 нче территориаль иҗтимагый үзидарәсе рәисе Нурия Хаҗипова.
"Барлык җыелганнарны шундый матур фольклор бәйрәме белән котлыйм. Бу бит үзенчә тарихка, халык традициясенә кызыксыну уята. Мондый җанлы бәйрәмнәр күбрәк булсын иде! - ди шәһәребезнең 12 нче ТИҮ җитәкчесе Гөлфия Абдуллина.
Биредә матур итеп күргәзмә оештырылган. Кунаклар өчен сәнгать үзешчәннәре катнашында концерт тәкъдим ителде, ә азнакайлылар халык һәм эстрада җырларын рәхәтләнеп тыңлап, үзләре дә җыр-биюгә кушылдылар.
Бу көнне парк территориясендә балалар өчен уен мәйданчыклары да эшләде. Бәйрәмдә катнашучыларның барысы да алманың яңа уңышы, тәмле пироглар һәм хуш исле чәй белән сыйлана алды.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев