Азнакайның яшь армиячеләре һәйкәлләрне чистарттылар

«Игелеклелек атнасы» кысаларында 6 нчы урта мәктәпнең 10 нчы сыйныф укучылары «Патриот» отряды җитәкчесе Р.Кәримов белән зиратта өмә үткәрделәр. Хәрби бурычларын үтәгәнда һәлак булган әфганчылар-мәктәпнең чыгарылыш укучылары Евгений Иванов һәм Николай Кандауров каберләре чистарып калды.

Авыл мәктәпләренең яшь армиячеләре дә Бөек Ватан сугышында һәлак булган якташлары истәлегенә куелган һәйкәлләрне җыештырдылар.