1 октябрь – Халыкара өлкәннәр көне

Хөрмәтле сугыш һәм тыл ветераннары, өлкән буын райондашларыбыз!

Халыкара өлкәннәр көне уңаеннан ихлас һәм йөрәктән чыккан тәбрик сүзләрен кабул итегез! 

Бу көнне без сезгә илебез азатлыгы өчен чиксез авыр елларда сынмыйча, иң бөек кыйммәтләрне — Ватаныбыз азатлыгын саклап калуга, Татарстаныбызның һәм районыбызның куәтен һәм шөһрәтен үстерүгә куйган фидакарь хезмәтегез өчен ихлас рәхмәтебезне белдерәбез. 

Сезнең буынга гаять зур сынаулар һәм кыенлыклар кичерергә туры килде. Кайнар йөрәкләрегез, оста кулларыгыз белән күп буыннарны сокландырырлык казанышларга ирештегез. 

Авыр чакларда киңәш һәм таяныч эзләп без нәкъ сезгә, зирәк һәм тәҗрибәле буынга, мөрәҗәгать итәбез. Нинди генә катлаулы чорлар килмәсен, сез һәрвакыт киләчәккә өмет белән карый беләсез, теләсә нинди авырлыкларны да җиңеп, буласына ышанычны югалтмыйсыз. 

Кадерле ветераннар! Сезнең барыгызга да исәнлек-саулык, имин көннәр телим, улкызларыгызның, онык-оныкчыкларыгызның игътибар-хөрмәтен һәм яратуын тоеп, озак еллар яшәргә насыйп булсын. Бәйрәм белән сезне! 

Марсель Шәйдуллин, Азнакай муниципаль районы башлыгы