Азнакайлыларга Көлке көне уңаеннан Расих Шакирҗановтан мәзәкләр
– Вәт, җитте замана! 60 яшем дә тулмады, югыйсә, карт дип эшкә алмыйлар, яшь дип пенсиягә чыгармыйлар!
– Бер ай элек ит комбинатына экскурсиягә барган идем, тутырма ашамыйм хәзер. Өченче көн икмәк заводына бардым, ипи дә ашамамдыр башка. Киләсе атнада спирт заводына чакырдылар. Бармам, ахыры…
– Акчаны ничек саклыйсың: доллардамы, евродамы?
– Истәлекләремдә…
– Бабай, ит ашамаучыларны ничек атыйлар?
– Пенсинерлар…
– Гафу итегез, банкка шәрә килеш керергә ярамый!
– Мин ипотеканы гына түләп чыгам…
– Вәли, быел ял итәргә барасызмы?
– Юк!
– Нишләп?
– Башка елларны акча булмаганга бармый идек, быел коронавирус сәбәпле.
– Шашлыгыгыз пешмәгән, ахыры. Чәйнәп булмый!
– Битлегегезне салыгыз башта!
– Хатыннарның төрлесе була, улым: бер ише ире соңга калганы яратмый, икенчеләре – иртә кайтканны.
Ишеткәннәрдән Расих Шакирҗанов язып алды
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев