Азнакай ашханәсе - бик тәмле һәм җиңел пешерелә торган пирог - ФОТОРЕЦЕПТ

(Азнакай, aznakaevo-rt.ru) Йомшак, уалып торган камыр эчендә баллы эремчекле пирогны "Королевский" дип тә йөртәләр.

Аны пешерүнең әллә ни зур сере юк.

Бер савытка:

• 3 йомырка,
• 1 стакан шикәр комы,
• 400-500 г эремчек

салабыз һәм бөтенесен бергә болгатабыз. Сыек камыр килеп чыгарга тиеш.

Икенче савытка:

• 3-4 стакан он,
• 1 пачка маргарин,
• 1 бал калагы сода,
• 1 стакан шикәр комы

салып болгатабыз. Валчык килеп чыгарга тиеш.

Табаны майлыйбыз.
Икенче савыттагы камырны икегә бүләбез һәм яртысын табага салабыз. Өстенә эремчек кушылмасын, аннан соң калган камырны салабыз.

Пирогны 20-30 минут пешерегә кирәк.

Энҗе Галәветдинова