Азнакайның яшь талантлары “Йолдызлык”ны балкытты

Аның Лениногорск шәһәрендә узган зона этабында Азнакай балалар сәнгать мәктәбенең яшь талантлары уңышлы чыгыш ясадылар.

Лилия Талипова җитәкчелегендәге “Лилия” бию коллективының кече төркеме – беренче, уртанчылар төркеме – икенче, Лилия Миннеханова җитәкчелегендәге “Огоньки” бию коллективының кече төркеме икенче урынга лаек булды.

“Вокал-соло” номинациясендә Ридель Кәлимуллин һәм Ясминә Галләмова (җитәкчеләре Наилә Шәрифуллина) – икенче урынны, “Вокаль ансамбльләр” номинациясендә “Фантазия”нең кече төркеме (җитәкчеләре Эльвира Шәйхуллина) һәм “Бәхет”нең уртанчылар төркеме (җитәкчеләре Наилә Шәрифуллина) беренче урынны яуладылар.