Азнакайлылар махсус хәрби операция зонасына гуманитар ярдәм озатты

Гуманитар ярдәм итеп азык-төлек, көнкүреш товарлары, медикаментлар, газ баллоннары, генераторлар һәм башка кирәк-ярак әзерләнде.  Бу юлы азнакайлылар якыннарына шулай ук адреслы посылкалар да җибәрделәр.

– Егетләребезгә гуманитар ярдәм җыюда катнашучыларга рәхмәт сүзләренең кайсы гына да аз булыр. Һәрвакыттагыча, аннан эшмәкәрләр дә, оешма-предприятие вәкилләре дә, шәһәр, авыл халкы да читтә калмады. Махсус операциядә катнашкан якташларыбыз сораган әйберләрнең барысын да әзерләдек. Бу ярдәм хәзерге вакытта алгы сызыкта булганнар өчен бик мөһим. Ир-егетләребез безнең терәк-ярдәмне, күңел җылыбызны һәрчак тоярга тиеш. Әлеге изге эштә катнашкан, игелекле гамәл кылырга ашыккан һәркемгә зур рәхмәт, – диде район башлыгы Марсель Шәйдуллин.