Азнакайда хатын-кызлар арасында волейбол ярышлары бара
Инде традициягә әйләнгән гадәт буенча, быел да 8 март уңаеннан хатын-кызлар арасында волейбол буенча район турниры оештырылды.
Спортчыларны сәламләп, район башлыгы Марсель Шәйдуллин аларга изге теләкләрен җиткерде.
- Сез эштә дә сынатмыйсыз, спортта да һәрчак алдынгы. Гел шундый үрнәк гүзәл затлар булып калыгыз, - диде җитәкче.
- Хатын-кызлар арасында мондый турнирлар ел дәвамында даими уздырылып тора. Бүгенге турнирда алты команда катнаша. Ул Халыкара хатын-кызлар көне уңаеннан уздырыла. Спортчылар белән үзебезнең якташыбыз Рушат Исламовны да искә алабыз, - диде район Советының оештыру бүлеге җитәкчесе, волейбол буенча администрация командасы капитаны Эльвира Галиева.
Язгы турнирда Актүбә бистәсе, район үзәк сырхауханәсе, мәгариф идарәсе, администрация, нефтьчеләр, Социаль фонд командалары катнаша.
Нет комментариев