фото
Азнакайда спорт уеннары фестивале үтте
Фестиваль Бөек Җиңүнең 78 еллыгына багышланган иде.
Ел саен җирлегебездә Бөек Җиңү көне уңаеннан зурлап Спорт фестивале уздырыла. Унынчы ел рәттән уздырыучы фестивальдә быел да йөзләгән спорт сөюче ктанашты.
Фестивальне район башлыгы Марсель Шәйдуллин ачып, анда катнашучыларга уңышлар теләде.
Соңыннан тантананы дәвам итеп, җирлегебездә спортны үстерүгә зур өлеш керткән тренерларга, җиңүләр яулаган егет-кызларга Рәхмәт хатлары, бүләкләр тапшырылды.
Спорт уеннары фестивале ярышлар белән дәвам итте. Оешма-предприятие командалары мини-футбол, җиңел атлетика, таяк тарту, шашка, өстәл теннисы, бадминтон буенча көч сынаштылар. Шунда ук ГТО нормативлары да кабул ителде.
Нет комментариев