фото
Азнакайда медицина хезмәткәрләре тәҗрибә туплый
Бүген шәһәрнең Балалар иҗат үзәгенә район үзәк сырхауханәсе хезмәткәрләре: лаборантлар, фельдшерлар, акушерлар, шәфкать туташлары җыелды.
Алар практик эшчәнлектә бик тә кирәк булган процедураларның төгәл үтәлешен гамәлдә өйрәнделәр.
–Мондый өйрәнү, тәҗрибә туплау семинарларын ел да үткәреп торабыз, – ди үзәк сырхауханәнең баш шәфкать туташы Регина Шәмсетдинова. – Бүгенге семинарда педиатрия бүлеге һәм балалар поликлиникасы хезмәткәрләре үз осталыкларын күрсәтә.
Семинар-өйрәнүдә катнашучылар аеруча куркыныч инфекция чорында чумага каршы киемне киеп-чишенү, утильләштерү алымнарын, авырудан биоматериал алу һәм аны тиешенчә башкару ысулларын өйрәнделәр.
Нет комментариев