Азнакай муниципаль районы башлыгы Марсель Шәйдуллин футбол манежы төзелеше белән танышты

Бүген муниципаль район башлыгы Марсель Шәйдуллин биредә эшләрнең барышы белән танышты.

“Очрашуларда халык спорткомплекс сораган иде. Яңа Юлда балалар, яшьләр күп яши. Футбол манежы аларны тартып торучы үзәк булыр дип ышанам. Татарстан Рәисе Рөстәм Миннехановка рәхмәтлебез, республикабызда балалар һәм яшьләр спортын үстерүгә зур игътибар бирелә. Август ахырында объект файдалануга тапшырылырга тиеш”, – диде Марсель Шәйдуллин.

Бүгенгесе көндә монда фундамент эшләре төгәлләнеп килә. Манеж ябык булачак, димәк ел әйләнәсе спорт белән шөгыльләнергә мөмкин. Кырында машиналар тукталышы ясау, тирә-ягын яшелләндерү һәм төзекләндерү дә каралган.

Былтыр  республика программасы буенча мондый объект Норлат һәм Минзәлә шәһәрләрендә төзелгән.