Авылда яшәүче өлкәннәрнең тормышы-көнкүреше, килеп туган проблемалары, һәр көнге сулышы, гомер бәйрәмнәре, истәлекле даталар.... – болар барсы да биләмә башлыгы Назиф Хәсәнов һәм ветераннар оешмасы рәисе Альбина Сафиуллинаның даими күз уңында.
Бүген авылдагы чираттагы истәлекле вакыйга районның яңа ЗАГС бинасына ук килеп җитте.
Биредә 55 ел тату, матур гомер иткән парлар – Икълимә һәм Әҗүәт Латыйфуллиннарны, Рәсимә һәм Гаяз Бикмөхәммәтовларны гаилә юбилеен тантаналы төстә билгеләп үттеләр. Район җитәкчелеге, барлык азнакайлылар исеменнән тәбрикләү-теләкләрне аларга район башкарма комитеты җитәкчесе урынбасары Дамир Гыйләҗев җиткерде.
Нет комментариев