Веломобильдә җилдерүче әбиләрнең кайсы районныкы булулары билгеле белды

ИА "Татар-информ", 31 июль 2016 - 13:07

672

Веломобильдә йөрүче татар әбиләре уйламаганда бүгенге көн геройлары булды да куйды. Казан әбиләре дип фаразлау дөрес булмады, алар Казан күрергә килгән Балык Бистәсе әбиләре булып чыкты. Олы Елга авылында гомер итүче Дания Хөснетдинова, Маһруза Габидуллина, Асия Сафиуллинага әлеге сәяхәт бик ошаган. Киләсе елга, исән-сау булып, тагын килергә хыяллана икән әле...

Олы Елга авылында гомер итүче Дания Хөснетдинова, Маһруза Габидуллина, Асия Сафиуллинага әлеге сәяхәт бик ошаган. Киләсе елга, исән-сау булып, тагын килергә хыяллана икән әле алар.

Татарстанның өч әбие Facebook социаль челтәре аша дөньяга танылу алды. Казанның Кремль яр буенда веломобильдә җилдерүче әбиләрне социаль челтәрнең актив кулланучсы Борис Мазин очраклы рәвештә генә фотога төшереп, Kazan Nostalgique дип аталучы төркемгә элгән.

"Өлкән яшьтәге апаларның "Ленинны күрүләре" шикле. Әмма радио аша Сталинның чыгышларын, Хрущевның коммунизм турындагы вәгъдәләрен ишеткән булырга мөмкиннәр. Брежневның азык-төлек программасын да хәтерлиләрдер, - дип язган ул фото астына. - Ходай Тәгалә сәламәтлек бирсен үзләренә..."

Фото социаль челтәргә эленү белән күпләр аны ошатуын белдерде.

Чыганагы http://matbugat.ru/

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!