Спорт һәм туризм – Азнакай яшьләренең яшәү рәвеше

Бу ялларда Яшьләр идарәсе һәм Яшьләр үзәге "Турист" палаткалы лагерь оештыручылары белән берлектә Алферовка авылы янында өч көнлек турслет үткәрделәр.

Предприятиеләр һәм оешмалар яшьләре походта каршлыкларны җиңү буенча осталыкларын һәм көчләрен сынаштылар. Һәрбер команда бердәмлеген, көтелмәгән хәлләргә әзерлеген күрсәтте.

Нәтиҗәдә беренчелекне "Патриот" туристлык клубының "Азфлай" командасы яулады. Яшьләр үзәге командасы да аннан очколар саны буенча аз гына калышты. Район үзәк сырхаунәсе командасы өченче урынга лаек булды.

Җиңүчеләргә акчалата бүләкләр тапшырылды. Шунысы куанычлы, яшьләр үз эшләренең осталары гына түгел, алар өчен спорт һәм туризм - яшәү рәвеше.

Наталья Мөхтәруллина