Шиңгән “Гөлбакча”га җан өрүче булырмы?

Безнең Актүбә бистәсе дүрт районга чыгучы юллар чатында урнашкан. Бер яклап бистәнең күпкатлы йортлары калыкса, икенчесеннән тирә-юньгә чиркәү гөмбәзләре нур чәчеп утыра, өченче яклап - ипподром... Әмма шушы матурлыкны кайчандыр чәчәк аткан хәзер инде бөтенләй шиңеп корыган "Гөлбакча" бакчачылык ширкәте ямьсезләп утыра. Су бирү тукталып, торбаларын урлап бетергәнлектән ул шундый хәлгә төшеп, хуҗалары "ташлап" бетерде. Ә бит бар иде заманалар, бөтен гаиләбез, балалар, оныклар белән бу бакчаларда үзебезгә кышка җитәрлек яшелчә, җиләк-җимешен үстерә, рәхәтләнеп ял итә, балаларны эшкә өйрәтеп үстерә идек.

Бистә белән идарә итәргә яшь, энергияле җитәкчеләр килгәч, без, пенсионерлар күңелендә өмет уянды: бәлки безнең дә хәлгә керерләр, "Гөлбакча"га су кертеп, аңа җан иңдерерләр, элеккеге матурлыгын кайтаруда ярдәм итәрләр?!

Бистә пенсионерлары, бакча хуҗалары исеменнән А.Сидоров