Октябрь Бүләктә яшәүче Рөстәм Фәтхуллин авылдашларын кар сыннары белән шатландырган

Октябрь Бүләк авылында гомер итүче Рөстәм Рөстәм Фәтхуллин йорт алларына ел символы булган юлбарыс сынын кардан ясап куйган.

– Быел кар булмагач, башта кәеф төшкән иде. Аннан кар яву белән әлеге сынны ясап куйдым. Кардан сыннар ясау бик ошый, авыл халкы да ярата. Килеп, фотоларга төшеп китүчеләр дә бар, – ди авыл остасы. –Кешеләрнең кәефе күтәренке икән, эшеңнең нәтиҗәсе дә яхшы дигән сүз.

Мондый уңган авылдашларына җирлек башлыгы Артур Ногманов та рәхмәтле:

– Ул ел саен безне үзенең шундый иҗат җимешләре белән сөендереп тора. Аның белән барыбыз да горурланабыз, – ди ул.