Азнакайның 10нчы балалар бакчасы сабыйларына "Коймак" бәйрәме ошады

Шәһәребезнең 10нчы балалар бакчасында тәрбияләнүче сабыйлар музейда алар өчен үткәрелгән май чабу бәйрәмен әле озак сагынып сөйләрләр. Аларга биредә бу бәйрәмнең килеп чыгу тарихы, аның элек һәм хәзер ничек үткәрелүе, - барсы да бәйнә-бәйнә сөйләнде. Слайдлардагы рәссамнары иҗаты күренешләрен дә йотлыгып карадылар. Борынгы бәйрәмгә атап төшерелгән мульфильмнарны карап кәефләр тагын да күтәрелеп китте. Мавыктыргыч уеннардан соң барсы да бүләкле дә булды. Әлбәттә инде, бәйрәмнең төп сюрпризы - коймак та булды. Тәмләп чәй эчкәннән соң, әлеге чараларны оештыруда зур тырышлык куйган фәнни хезмәткәр Рәмилә апаларына үзләрен кызыксындырган сораулар да бирделәр.