Азнакай районы “Социалистик Хезмәт Герое Ф.Кәримов ис.” хуҗалыгында терлекчелек буенча семинар узды

Районыбыз терлекчеләренең ит-сөт җитештерү, терлекләрнең баш санын арттыру буенча күрсәткечләре яхшы. Яхшы сыйфатлы ит һәм сөт җитештерү өчен районда бар шартлар да бар. Җитәрлек күләмдә терлек азыгы әзерләнгән, фермалар заманча технология белән җиһазландырылган.

Әмма күп кенә хуҗалыкларда сөт җитештерү шактый кимегән. Бу бигрәк тә соңгы көннәрдә күзгә ташлана. Сәбәбе нидә? Булган кимчелекләрне ничек хәл итәргә? Чәршәмбе көнне "Социалистик Хезмәт Герое Ф. Кәримов ис." хуҗалыгы терлекчелек фермасында узган семинарда сөйләшү әнә шул хакта барды. Семинар эшендә муниципаль район башлыгы Марсель Шәйдуллин да катнашты. (Семинар турында тулырак мәкаләне "Маяк" газетасының алдагы саннарыннан укырсыз.)