Азнакай командасы “Мин – мастер!” республика бәйгесендә мастер-класс күрсәтте

Казанда "Яшь һөнәрманнар" төбәк чемпионаты кысаларында балаларга өстәмә белем бирү өчен технология кабинетлары мөмкинлекләрен куллану буенча "Мин - мастер" дигән республика конкурсы үтте. Анда районыбыз данын Балалар иҗат үзәге җитәкче-педагоглары Ангелина Исаева, Ильяс Зәйнуллин, Азнакай 2 нче урта мәктәбенең технология укытучылары Динара Гомәрова, Риф Хаҗиев якладылар. Алар барлык өч сынауны да: җиһаз мөмкинлекләрен куллану буенча презентацияне, техник иҗат технологияләрен белүгә тестны, техник биремне уңышлы үттеләр һәм мастер-класс күрсәттеләр.