Азнакайда быел туган бәбиле гаиләләрне район башлыгы Марсель Шәйдуллин бәйрәм белән котлады
Бүген Халыкара Гаилә көне. Электән килгән традицияләргә тугры калып, шәһәребезнең яңа ЗАГсында гаиләләр белән бик күңелле очрашу узды.
Бу юлы өр-яңа, затлы бу Гаилә йортына быел сабыйлары дөньяга аваз салган 23 гаиләне һәм, шулай ук районыбызга гына хас тагын бер йола – йөзенче бала туган гаиләне дәштеләр. Бәйрәмчә киенгән бәбиләр, шат йөзле әти-әниләр, әби-бабайлардан күзләр камаша.
–Гаилә – җәмгыятьнең төп нигезе, – дип башлады сүзен тантананы ачып район башлыгы Марсель Шәйдуллин. –Ә инде гаиләнең бөтен яме – балаларда. Без ел башы белән менә шушы бәхет иңгән барлык гаиләләрне ихластан котлап, райондашлар исеменнән сихәтлек, парлы, матур тормыш, нәниләрнең сау-сәламәт, бәхетле үсүләрен телибез!
Хезмәттәшләре гаиләләрендә беренче, икенче, өченче, хәтта дүртенче сабыйлары туу шатлыклары белән уртаклашырга, үзләренең изге теләкләрен җиткерергә оешма-предприятиеләр вәкилләре дә килгән.
Җыр-моңга, бүләкләргә, ихлас теләкләргә бай булды бәйрәм. Әти-әниләр дә, сабыйлары да аннан күтәренке кәефтә таралышты.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев