Бүген шәһәребезнең “Шифа” үзәге каршындагы мәйданда бәйрәм ярминкәсе гөрләде.
Халык үз җирлегебездә, шәхси-йорт ихаталарда җитештерелгән авыл хуҗалыгы продукциясен: итен, сөтен, маен, яшелчә-җимешен бик теләп сатып алды.
Азнакайлыларны Яңа ел белән шәһәр башкарма комитеты җитәкчесе Эльвир Габдрахманов тәбрикләде.
– Киләсе елда да табыннарыбыз мул, дөньяларыбыз тыныч булсын! – дип изге теләкләрен җиткерде.
Үзешчәннәребез тарафыннан әзерләнгән концерт программасы да һәммәсенең күңеленә хуш килде.
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев