Азнакайда Рушат Исламов истәлегенә волейбол турниры узды
Бүген Азнакайда волейболчылар якташыбыз Рушат Исламовны искә алдылар
«Чатыр-Тау Арена» спорткомплексында узган ярышларны ачу тантанасында район башлыгы Марсель Шәйдуллин, Рушатның әти-әнисе, якыннары, дуслары катнашты.
-Рушат Рамиль улын без илебезнең чын патриоты буларак беләбез. Шушы кыска гына гомерендә дә район, спорт үсешенә лаеклы өлеш керткән кешеләрнең берсе ул, аны зур хөрмәт белән искә алабыз, — диде район башлыгы.
Рушатның әтисе Рамиль Исламов улларын хөрмәт итеп килгән спортчыларга рәхмәт сүзләрен җиткерде.
-Улыбызны онытмавыгыз, хөрмәт итүегез өчен рәхмәт сезгә. Ярышларны оештыру тәкъдиме белән дә моннан өч ел элек волейболчылар чыккан иде. Бу турнир аның рухына дога булып барып ирешсен, — диде ул.
Яшь спортчы истәлегенә уздырылган өченче турнирда быел тугыз команда катнашты. Алар «Чатыр-Тау Арена» спорткомплексы, техникум һәм 6 нчы мәктәп залларында уйнадылар.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев