Җиңү бистәсе халкы Җиңү өчен көрәшкән батыр улын данлады Азнакай районы үз батырларын онытмый
Ватан иминлеге өчен гомерләрен биргән егетләр истәлегенә спорт ярышлары, очрашулар үткәрелә.
Шундый чараларның берсе - махсус хәрби операциядә батырларча һәлак булган Азат Мөкъминов истәлегенә багышланган өстәл теннисы турниры - Җиңү бистәсендә узды.
Турнирны ачу тантанасында шәһәр башкарма комитеты җитәкчесе Эльвир Габдрахманов, Азатның әти-әнисе Римма һәм Әлфис Мөкъминовлар катнашты. Эльвир Габдрахманов аларга батыр йөрәкле ул үстергәннәре өчен рәхмәт белдереп, сабырлык теләде. Сыйныф җитәкчесе Миләүшә Шәйхулова да укучысын җылы хатирәләр белән искә алды: - Азат турында кем генә сөйләсен, аның кешелекле, ярдәмчел булуын әйтми калмый, - диде ул. Турнирда Әгерҗе, Тымытык, Җиңү бистәсе, Актүбә, Сарлы, Югары Стәрле, Уразай, Митрәй спортчылары көч сынашты. Чара турында тулырак "Маяк" газетасыннан укыгыз
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев