Тымытык авыл җирлегенә керүче Тымытык, Әгер, Күктәк авылларына дүрт хат ташучы хезмәт күрсәтә.
Лимуза Юлтимирова – иң озак эшләүчеләрнең берсе. Райпо кибетеннән бирегә килүенә дә җиде елдан артык вакыт үткән. Бүген ул Тымытык, Әгер авыллары халкына газета тарата.
– Билгеле, башта үзем өчен таныш булмаган тармакта авыррак булган иде. Хәзер инде ияләндем, барысын да җайга салгач, эшләве рәхәт кенә, – ди бүлек алдынгысы.
Ләйсән Сабированың хат ташучы булып эшләвенә ике елдан арткан. Моңа кадәр колхозда, аннан кибеттә эшләгән авыл уңганы әлеге эшен дә бик яратып, намус белән башкара.
– Әлеге яртыеллыкта район газетасын 48 кешегә таратам, киләсе яртыеллыкта тагын да артачак, язылучылар бик күп, – ди ул.
Авыл Сабан туенда хат ташучыларны бүләкләп тә киттеләр.
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев