Үпкә-бавырдан шулпалы аш

Юган, эшкәрткән үпкә, йөрәк, бавырны, чистарткан эчәкне ике-өч бармак киңлегендә шакмаклап турап, салкын су салып, кайнарга куярга. Тиз арада кайнатып чыгаргач, утны киметеп пешерүне дәвам итәргә. Аш шулпасына бәрәңге  яки салма, токмач яисә макарон салып та пешерергә мөмкин.
Бәрәңге шулпа пешкәндә салына. Вак итеп тураган чи кишер, башлы суган өстәргә. Лавр яфрагын пешеп чыкканда салынырга тиеш. Әзер аш өстенә вак итеп тураган яшел тәмләткечләр сибеп, табынга чыгарырга була.
1 өлешкә: 100 г үпкә-бавыр, бәрәңге шулпасы өчен — 150-200 г, аш өчен — 100 г бәрәңге, 25 г макарон, салма яки токмач, 25әр г башлы суган, кишер, кирәгенчә тәмләткечләр.

фото: pixabay.com