Азнакайда Чернобыль һәм Маяк һаләкәтләре ветераннарын хөрмәтләделәр
Узган гасырның иң зур техноген казасы – Чернобыль атом электр станциясендәге шартлауга 26 апрель көнне 39 ел була.
Чернобыль атом-электр станциясе фаҗигасен һәм шулай ук 1957 елда “Маяк” химкомбинаты катастрофасын бетерүдә катнашкан райондашларыбыз бүген Хәтер көненә җыелды.
Бу фаҗигаләрне ликвидацияләүдә районыбыздан 120 дән артык кеше үз хезмәтен куйган. Ни кызганыч, аларның сафлары елдан-ел сирәгәя бара. Хәтер көне чарасына фидакарь якташларыбызның тол хатыннары да чакырулы иде.
Тантаналы чарада катнашучыларны район башлыгы Марсель Шәйдуллин, хәрби комиссариат җитәкчесе Руфат Гайнетдинов сәламләп, үзләренең изге теләкләрен җиткерделәр.
Чара барышында ул елларның шаһиты булган Камил Хәбибуллин һәм Рәис Харисов та онытылмас вакыйгалар турында хатирәләрен яңартып, һәрдаим ярдәмнәре өчен район җитәкчелегенә һәм социаль яклау бүлеге хезмәткәрләренә рәхмәт белдерделәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев