“Маяк” газетасы "Экстремизм проблемаларына каршы иң яхшы журналист эше” республика конкурсында Диплом белән бүләкләнде

Ике ел рәттән журналистиканың иң олуг премиясе - "Бәллүр каләм"гә һәм башка күп санлы мәртәбәле бүләкләргә лаек булган газетабыз шушы көннәрдә тагын бер шатлыклы хәбәр кичерде: "Республика массакүләм мәгълумат чаралары арасында экстремизм проблемаларына каршы иң яхшы журналист эше" конкурсында "Татмедиа" матбугат һәм масскүләм коммуникацияләр буенча республика агентлыгы Дипломы белән бүләкләнде. Чыннан да, "Маяк" районыбыздагы милләтләр һәм дини конфессияләр арасындагы тынычлык темасын һәрдаим үз битләрендә яктыртып килә. Берүк алга таба да илебездә, җөмһүриятебездә үзара татулык хакимлек итсен, бердәм һәм дус булып яшәргә язсын.