Дәүләтов Нияз Фазыл улын туган көне белән тәбрик итәбез

Безнең иң кадерле кешебез, тормышыбызның алтын баганасы, әтиебез Дәүләтов Нияз Фазыл улын туган көне белән тәбрик итәбез. Әниебез Гөлчәчәк белән пар канатлар булып яшәүләренә дә тиздән 25 ел була. Әти, син һәрчак олы җанлы, кече күңелле, мәрхәмәтле булдың. Балаларың өчен өзелеп тордың. Безне укытып олы тормыш юлына чыгардың, бүгенге көндә бәхетле икәнбез - ул синең тырышлыгың! Барысы өчен дә рәхмәт сиңа, әти! Туган көнең белән ихлас күңелдән котлап, ныклы сәламәтлек, шушылай бәхетле, шатлыклы тормышта, әниебез белән тигезлектә озын гомер кичерүегезне телибез. Безне һәрчак туган өебездә парлап каршы алырга язсын.

Чәчләреңне, әти, чал басса да,

Күңелең көр, һаман яшь әле.

Җаның тыныч, тәнең таза булсын,

Кайгы-хәсрәт күрми яшә әле.

Безнең өчен күпме тырыштың син,

Уйландың син гомер эчендә,

Онытмабыз, әти, һичбер вакыт,

Рәхмәт сиңа барысы өчен дә!

Сине яратып: тормыш иптәшең Гөлчәчәк, улың Айнур, кызың Гөлназ