Азнакайда янгында кеше гомере өзелгән

9 февральгә каршы төндә шәһәрнең Нефтьчеләр урамындагы күпкатлы йорт фатирында чыккан янгын фаҗигале тәмамлана. МЧС хезмәткәрләре дүртенче катта урнашкан фатирга янгын баскычы белән кереп, 2002 һәм 2006нчы елгы ике баланы коткаралар. Алар ут эченнән балаларның аңын югалткан әниләрен дә алып чыгалар, әмма "Ашыгыч ярдәм" хезмәткәрләре аның инде үлгән булуын әйтә. Утның ни сәбәпле чыгуы ачыклана. Бу фаҗига янгынның санаулы минут, секундлар эчендә кеше гомерен алып китәргә сәләтле икәнлеген янә раслый. Кешеләр шуны онытмасыннар, сак булсыннар иде.