Укытучылар көне белән!

Сезне ихлас күңелдән һөнәри бәйрәмегез белән тәбрик итәм. Азнакай районы үз эшенә бирелгән, талантлы укытучылары белән горурлана. Сез – безне олы тормышка җитәкләп алып керүче,  безгә юл күрсәтүче, җәмгыятьтә үз урыныбызны табарга ярдәм итүче остаз. Кешелекнең рухи халәте, милләт язмышы, илебезнең киләчәге  сезнең кулда.

Инновацион белем бирү методикаларын һәм технологияләрен уңышлы гамәлгә кертеп, даими белем бирү сыйфатын күтәрү өстендә эшлисез, уңай нәтиҗәләргә ирешәсез. Җаваплы һәм тынгысыз хезмәтегез өчен сезгә тирән рәхмәтемне белдерәм.

Хөрмәтле укытучылар, мәгариф ветераннары! Барыгызга да исәнлек-саулык, күңел күтәренкелеге, яңадан-яңа уңышлар телим! Һәр яңа көн сезгә сөенеч, шатлык, бәхетләр генә алып килсен, гаиләләрегездә иминлек, тынычлык булсын.

Марсель Шәйдуллин, Азнакай муниципаль районы башлыгы