Россия эшмәкәрләр көне белән!

Сезне һөнәри бәйрәмегез белән чын күңелдән котлыйм.

Азнакай районында 352 кече һәм урта бизнес оешмасы, 1083 шәхси эшмәкәр, 90 фермер һәм 1600 гә якын үзмәшгуль эшчәнлек алып бара. Сез районның социаль һәм икътисади үсешенә лаеклы өлеш кертеп, һөнәри осталык бәйгеләрендә, бизнесны яклау грантларында, төрле программаларда катнашасыз, идеяләрегезне һәм проектларыгызны тормышка ашырасыз. Яңа эш урыннары булдырып, халыкны кирәкле товарлар белән тәэмин итәсез, хезмәт күрсәтәсез, хәйриячелек белән шөгыльләнәсез.

Иң авыр чорларда да уңышка ирешерлек көчегез һәм осталыгыгыз өчен тирән рәхмәтемне белдерәм. Алга таба да сезгә эшегездә уңышлар, ныклы сәламәтлек, яңа уй-хыяллар һәм максатлар белән янып яшәвегезне телим.

Марсель Шәйдуллин, Азнакай муниципаль районы башлыгы