Марсель Шәйдуллин авыл хуҗалыгы хезмәткәрләрен һөнәри бәйрәмнәре белән котлады

Хөрмәтле авыл хуҗалыгы хезмәткәрләре, ветераннары!

Сезне һөнәри бәйрәмегез – Авыл хуҗалыгы һәм эшкәртү сәнәгате хезмәткәрләре көне белән котлыйм!

Сез табыннарыбыз муллыгы, тормышыбыз иминлеге өчен армый-талмый хезмәт куясыз. Елның бер генә көнендә дә бу тармакта эш туктап тормый. Районыбыз авыл хуҗалыгы продукциясе җитештерү күләме буенча республикада алдынгылар сафында бара, бу сезнең фидакарь хезмәтегез нәтиҗәсе.

Авыл хуҗалыгы предприятиеләре җитештерүнең яңа технологияләрен актив кертеп, үз продукцияләренең сыйфатын һәм табышны арттыру өстендә эшлиләр.

Һөнәри осталыгыгыз, үз эшегезгә җаваплылык белән караганыгыз, туган җиргә мәхәббәтегез һәм көндәлек тырыш хезмәтегез өчен рәхмәт сезгә! Сезгә һәм якыннарыгызга ныклы сәламәтлек, югары нәтиҗәләргә ирешүегезне, уңышлар телим.

Марсель Шәйдуллин, Азнакай муниципаль районы башлыгы