Азнакай урманчылары “Хәтер бакчасы” халыкара акциясенә кушылды

Быел да азнакайлылар Бөек Ватан сугышында Җиңүнең 81 еллыгына багышланган хәтер акциясенә бердәм кушылдылар. Урманчылар, “Чатыр – Тау” дәүләт тыюлыгы хезмәткәрләре белән берлектә Мәлбагыш урманчылыгы территориясендә илгә Җиңү бүләк иткән батырларыбыз хөрмәтенә 1000 төп чыршы агачы үсентеләре утырттылар.

– “Хәтер бакчасы” акциясе илебездә 2020 елдан уздырыла. Урманчылар анда ел да актив катнашып киләләр. Изге теләкләр тели-тели утырткан агачларыбыз үсеп китеп, әби-бабайларыбызның батырлыгын данлап торучы тере һәйкәл булсын иде, – ди Азнакай урманчылыгының урманнарны саклау инженеры Гөлгенә Нәбиева.

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!