ФАЙДАЛЫ КИҢӘШЛӘР
Азнакай хуҗабикәләренә аш-су буенча 10 файдалы киңәш
Киңәшләребез файдалы булсын!
- Қамырны өйдә торган оннан басарга кирәк, салкын оннан баскан камыр акрын кабара.
- Камырны 2-3 тапкыр басып кабартсан, аннан пешергән ашамлык бик уңа.
- Чүпрәгә изгән камырга чәй содасы салырга ярамый, чөнки ул камырны кабартмый.
- Камырны уңдыру өчен, онны иң соңыннан - чүпрә, йомырка, май, шикәр һәм тозны сөткә (суга) салып бик яхшылап туглагач кына салырга кирәк.
- Қамыр ашларын майда кыздырганда шикәр комын кирәгеннән артык күп салырга ярамый, ашамлыкның өсте кызарырга, ә эче чи калырга мөмкин.
- Төче камырга терлекнең эч маен эретеп салсаң, камыр ашы тәмлерәк була.
- Камыр ашы өстенә шикәр онын (пудрасын), пешкән ашамлыкны майлаганнан яки кайнар су сөрткәннән соң гына сибәргә кирәк.
- Қамыр кулга ябышмасын өчен, кулны көнбагыш мае белән майларга кирәк.
-
Искерә башлаган камыр ашын: гөбәдия, пәрәмәч, сумса h. б. иләккә салып, өстен каплап, кайнап торган су пары өстендә тотсаң, ашамлык әле генә пешкән кебек яңарып китә.
-
Ашамлык табадан начар купса, табаны башта тозлы чүпрәк белән ышкырга, аннары майларга кирәк. Май сөрткәч бераз манный ярмасы сипсәң дә азык табага ябышмый.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев