Азнакайда соңгы тәүлектә коронавирустан авыру очрагы теркәлмәде

Узган тәүлектә Россиядә аның 11231 очрагы теркәлде. Татарстанда – 105 очрак. Аларның 8 е чит илдән кайтучыларда, 97 се – вирус йөртүчеләр белән аралашкан кешеләрдә.

31 кеше дәваланырга салынган, 74 е аны җиңел кичергәнлектән, өйләрендә табиб күзәтүе астында калдырылган.

Авыручыларның иң күбе Казанда – 41. Яр Чаллыда 22 очрак теркәлгән. Калганнары республиканың төрле районнарында. Азнакайда бер генә очрак та теркәлмәгән.

7 майга Татарстанда коронавирусның 1415 очрагы теркәлеп, аларның 375 е стационарда дәвалана. 252 кеше терелгән.

Әлегә кадәр Азнакайда авыруы расланган 8 кешенең 5 сенең терелүе турында хәбәр иткән идек. 72 кеше карантинда.

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!