Азнакай хуҗабикәләренә тәмле «Мохито» рецепты
Эссе көнне «Мохито» коктейле белән сусауны басарга була.
Бу эчемлекне узган гасырда Куба утравында уйлап тапканнар дип исәпләнелә. «Мохито»га алкоголь кушу мәҗбүри түгел, коктейльне аннан башка да ясарга мөмкин.
Коктейль өчен кирәк: 2 литр газлы су, 3 аш кашыгы шикәр комы, 2 лимон, 1 лайм, бөтнек яфраклары.
Лимон һәм лаймны түгәрәкләп кисәргә һәм пыяла чүлмәккә салырга. Шунда ук шикәр һәм бөтнек өстәп, яхшылап согын чыгарырга. Аннары өстенә газлы яки гади су салырга. Шулай ук шикәр һәм газлы су урынына «Спрайт» кебек баллы эчемлек өстәп җибәрергә дә мөмкин. Коктейльне суыту өчен боз кисәкләре салссаң, тагын да тәмлерәк була.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев